الأسئلة الشائعة
جمعنا لكم هنا أكثر الأسئلة اللي توصلنا وأجبنا عليها بكل شفافية ووضوح عشان تكون رحلتكم معانا أسهل وأوضح.
هل منصة شواغر تاخذ رسوم على التوظيف أو التقديم
منصة شواغر مجانية بالكامل للباحثين عن عمل وما ناخذ أي رسوم أو مبالغ مالية لا قبل التوظيف ولا بعده وهدفنا الوحيد هو تسهيل رحلتكم وتوفير وقتكم وجهدكم في البحث عن الفرص اللي تستحقونها.
هل احتاج اسجل حساب في شواغر عشان اقدم على الوظايف
في الوقت الحالي تصفح الوظايف والتقديم عليها متاح للجميع وما يحتاج منك أي تسجيل دخول أو إنشاء حساب وتقدر تقدم مباشرة بكل يسر وسهولة ومستقبلا بإذن الله راح نطلق خدمات إضافية مميزة ووقتها بيكون التسجيل متاح للي حاب يستفيد من هذي الخدمات المتقدمة.
كيف أقدم على الوظايف المعروضة في المنصة
التقديم جدا سهل وبسيط وما يحتاج منك أي تعقيد بمجرد ما تلقى الوظيفة اللي تناسب طموحك تضغط على زر التقديم ومباشرة راح نحولك لموقع الشركة الرسمي أو منصة التوظيف المعتمدة عندهم عشان تكمل بياناتك وترفع سيرتك الذاتية هناك بكل أمان.
هل تضمنون لي القبول في الوظيفة اللي أقدم عليها
نحن نفتح لك أبواب الفرص ونرتبها لك في مكان واحد والرزق والتوفيق بيد الله سبحانه وتعالى وقرار القبول والفرز يعود بالكامل للشركة الموظفة وما لنا أي تدخل فيه ولكننا نتمنى لك التوفيق دائما وأن تكون من المقبولين.
وش أسوي لو شفت إعلان وظيفة مشبوه أو يطلب مبالغ مالية
هنا يجي دورك المهم معانا وأمانك هو أولويتنا القصوى فإذا حسيت أن الإعلان غير منطقي أو طلبوا منك أي مبالغ مالية نتمنى منك تبلغنا فورا عشان نراجع الإعلان ونحذفه ونحمي غيرك من الاحتيال لأن التوظيف دائما مجاني.
ما حصلت إجابة لسؤالك أو عندك استفسار ثاني يدور في بالك لا تتردد أبدا تتواصل معانا عبر صفحة تواصل معنا في الموقع سواء عن طريق الفورم المباشر أو الإيميل أو حتى رقم الواتس اب وحنا في خدمتك دائما وأبدا ونسعد بسماع صوتك ومقترحاتك.